საზაფხულო სკოლა – სტუდენტების მაღალი კვალიფიკაციის პროფესიონალებად ჩამოყალიბებაზე ორიენტირებული პროექტია არემჯის საზაფხულო სკოლა, რომელიც საქართველოს ტექნიკური უნივერსიტეტის სამთო-გეოლოგიური ფაკულტეტის სტუდენტებს არემჯის საწარმოებში ერთთვიანი ანაზღაურებადი პრაქტიკის გავლას სთავაზობს.
პროექტი ყოველწლიურად ხორციელდება და მასში უკვე 120-მა სტუდენტმა მიიღო მონაწილეობა. ერთთვიანი პრაქტიკის დროს სტუდენტები, თავიანთი სპეციალობების მიხედვით, კომპანიის ყველა საკვანძო სტრუქტურულ ერთეულში გადიან პრაქტიკულ სწავლებას.

არაფორმალური განათლება

ხარისხიანი განათლების უზრუნველყოფა კომპანიის განათლების ხელშეწყობის პროგრამების მთავარი ამოცანაა, რომელიც საუნივერსიტეტო განათლებასთან ერთად მოიცავს არაფორმალური განათლების წახალისებას რეგიონში სასკოლო ასაკის ბავშვებში.

არაფორმალური განათლების მხარდასაჭერად კაზრეთის საჯარო სკოლების მოსწავლეებისთვის ხორციელდება ისეთი პროექტები, როგორებიცაა: ისტორიის კონკურსი “დიდგორელი”, “დებატების კლუბი”, “იდეების ლაბორატორია”. 

„დიდგორელი“ სასკოლო ასაკის მოსწავლეთა კონკურსია, რომელიც მიზნად ისახავს საქართველოს ისტორიის პოპულარიზაციას რეგიონის საჯარო და კერძო სკოლებში. პროექტი არემჯის მხარდაჭერით 2019 წლიდან ქვემო ქართლის ყველა მუნიციპალიტეტში იმართება. ამ პერიოდის განმავლობაში კონკურსში მონაწილეობა 2200-ზე მეტ მოსწავლეს აქვს მიღებული. კონკურსში გამარჯვებული თითოეული მუნიციპალიტეტის გამარჯვებულს არემჯის 6 თვის მანძილზე არემჯის სტიპენდია გადაეცემა. “დიდგორელები” ყოველწლიურად მონაწილეობენ პროექტის ფარგლებში გამართულ სამეცნიერო კონფერენციებში, ასევე მათთვის ეწყობა სხვადასხვა შემეცნებითი ისტორიული ტურები საქართველოს სხვადასხვა კუთხეებში.

არემჯის “იდეების ლაბორატორია” საგანმანათლებლო პროექტია, რომლის მიზანია ხელი შეუწყოს რეგიონში მცხოვრებ უფროსკლასელებში სოციალური პასუხისმგებლობის განვითარებას და რეგიონის ცხოვრებაში მათ ჩართულობას. პროექტი მოტივირებული უფროსკლასელების შერჩევას ითვალისწინებს, რომლებიც „იდეების ლაბორატორიაში“ სხვადასხვა მიმართულებით ტრენინგებს გადიან. სწავლების დასასრულს „მწვანე გარემოსა“ და „სოციალური ურთიერთობების“ თემებზე მომზადებული საუკეთესო პროექტების განხორციელებას კომპანია არემჯი  აფინანსებს.

პროექტ „დებატები უკეთესი განათლებისთვის“ დაბა კაზრეთის საჯარო სკოლები არემჯის მხარდაჭერით 2022 წელს შეუერთდნენ. Პროექტი სკოლის დამამთავრებელი კლასის მოსწავლეებში სადებატო უნარ-ჩვევების გამომუშავებას და მათ განვითარებას ისახავს მიზნად.